Кайдзен — үздіксіз дамудың құпиясы

Бұл кітапта үздіксіз дамуға бағытталған жапон философиясымен қалай танысқаным туралы баяндаймын. Мұнда кайдзенді отандық өндірісте, кәсіпкерлікте, адамның жеке дамуында, күнделікті тұрмыста қолдану үйретіледі. Кітап өзін-өзі дамытып, жетілдіргісі келетін, сапалы өмір сүруге талпынатын оқырман қауымға арналған.

Соғыста қираған Жапонияны қазіргі жоғары деңгейге жеткізген, Тойота компаниясын әлемге танытқан қандай құпия білесіз бе? Ол — Кайдзен жүйесі. Оны үздіксіз дамудың құпиясы деп атайды. Қазір Қазақстанда да қолданылып, компаниялар табысқа жетіп жатыр. Оны жеке өмірге қолдансаң, пайдасы тіптен көп. Мысалы, 2021 жылға қандай жоспарыңыз бар? Оны орындау үшін кайдзенге жүгініңіз. «Аз-аздан, күн сайын» деген қағидамен қандай жоба болсын, соңына дейін жеткізесіз.