Ахмет. Алаш ардақтысы

Қазақ халқының біртуар ұлы, ұлт ұстазы Ахмет Байтұрсынұлының рухына арналған АХМЕТ. АЛАШ АРДАҚТЫСЫ.

Бұл кітап халқымыздың ең көрнекті тұлғаларының бірі – ақын, аудармашы, ағартушы, қазақ тілі білімі мен әдебиеттануының негізін салушы, түркітанушы ғалым, ұлттық әліппенің реформаторы, мемлекет және қоғам қайраткері Ахмет Байтұрсынұлының өмірі мен шығармашылығына қатысты қызықты деректермен таныстырады. Оның болмысы мен өмірі туралы бір ғана мәтін емес, оған қоса көптеген фотосурет те мол ақпарат беріп, тереңірек әсерге бөлейді. Сондықтан шығармалары, басқа Алаш қайраткерлеріне жазған хаттары, бұл кісінің үстінен қозғалған қылмыстық іс құжаттары, өзінің жеке заттары, жерленген қорымы –
бәрі-бәрінің фотосуретін тамашалап, көзбен көргендей болыңыз.

Бұл еңбек оқырманның Ахмет Байтұрсынұлы туралы білімін молайтып, танымдық, зияттық және зерттеушілік дағдысын қалыптастырады. Кітап халқымыздың өткені мен руханиятына бейжай қарамайтын барша қауымға арналған.