Қалам ұшындағы ой

Арман Дәулетияров — Қазақстан мен Ресейге танымал шоу-бизнес өкілі, журналист, қоғам қайраткері. Автор өзінің өмір жолын баяндай отырып, адам жанының ашыла бермейтін қалтарыстарына ой сәулесін түсіріп, оқырманның өзінің жүрек әлеміне үңіле түсуіне жол ашып, ой ұшқынын тастап отырады. «Бақытқа жетудің сыры неде?» деген сұрақ төңірегіндегі пайымды, парасатты ой-толғаныстары басынан кешкен оқиғалармен, өмірлік жағдаяттармен сабақтасып, әдемі өрім тапқан. Әсіресе адамгершілік, отбасылық құндылықтар, үлкенді сыйлау, салауатты өмір салты, өзіне деген сенімді қалыптастырудың қоғамдағы, адам өміріндегі маңызына үлкен орын беріледі.